home
user-header

                        
                        
"Сахалыы" да диэн буоллун, чэ
10 апреля 2019 г., 19:50 1702


Дневниктарга сахалыы өйдүүр, саҥарар , суруйар, ааҕар киһи төһө элбэҕэ эбитэ буолла? Сахалыы суруйдахха, киирэн көрбүт киһи ахсаана , нууччалыы суруйбуттааҕар быдан аҕыйах буолар.  Мин бэйэм да ,сахалыы уустаан - ураннаан саҥарбаппын , уонна билигин даҕаны төрөөбүт төрүт тылбын ситэтэ суох билэбин дии саныыбын.

Сүрдээх үчүгэйдик сахалыы саҥарар дьон баар буолааччы. Судургутук "кэл- бар" диэбэккэ эрэ, бэрт баҕайытык , киһи кулгааҕа сылаанньыйа, сэргэхсийэ истэр гына . Уу сахалыы, тылга тылы тиһэн, ардыгар биир да тылынан чопчу ис хоһоонун биэрэн саҥардахтарына , астына , испэр хайҕыы истэбин. 

Аҕыйах сыллааҕыта "сомоҕо домох" диэн термин баарын саҥа билбитим.  Ону даҕаны оҕом оскуолаҕа үөрэтэр буолан. Нууччалыы  "фразеологизм "диэн  тылы сахалыы тылбаастаабыт дьүһүннэрэ быһылаах . «Сомоҕо домох»- өйдөбүлү уус - ураннык хоһуйар, икки эбэтэр хас да тыл холбуу суолталаммыт ситимэ. )

Дьээбэҕэ аҕыйах сомоҕо домох тыллар ис хоһооннорун  таайтарыам. Поисковигынан көрдөппөккө эрэ,  таайан көрүн эрэ.) 

 

1.Чуоҕа- муоҕа суох.

2. Икки илиилээх.

2.Биир угунньаҕа укта.

3.Мин да ытыспар тураах сыптарыйыа.

4.Оһоҕоһо уһукта илик.

5.Сир быта киһи.

6.Сири буору кымыстат.

7.Үөдэн таһаа оҥорбут.

 

#сахалыы

 

Сүрэҕэлдьээбэтэхпинэ, биир нэдиэлэ , күн аайы , тыаһа - ууһа суох, сахалыы суруйан көрүөм, кылгас соҕустук.) 

 

Избранное
Комментарии 129   Написать комментарий
  • 10 апреля 2019 г., 20:14
    LyubOFF   Пожаловаться

    Теттеру суруйбуккун быьылаах "муога чуога суох" диэн ээ ол аата "не раздумывая"; ер толкуйдуу, саарбахтыы барбакка..

  • 10 апреля 2019 г., 20:46
    karapot   Пожаловаться

    Сахалыы суруйарбыт умнуллаары гынна устунан. Хата суруйуохха эрэ иккиэн)

  • 10 апреля 2019 г., 20:50
    karapot   Пожаловаться

    Соро5ун билбэт эбиппин. 2. Икки илиилээх диэн кыралаан кып гыннарар киhини этэллэр, үчүгэйин бэйэтигэр туспа уурунар идэлээх. 4. Тураах сыптарыйыа аата сүрүн)) ити арааhа "и на нашей улице будет праздник" диэн суолталаах

    • Автор
      10 апреля 2019 г., 20:54
      стрела81   Пожаловаться

      karapot, 2 син майгыннаттыҥ, ити аата киһититтэн көрөн тугу эмит гынары этэллэр эбит. Үчүгэй диэбит киһитигэр үчүгэйдик, сэнээбит киһитигэр мөлтөхтүк оҥорон биэрэр.

      4- сөп.))

  • 10 апреля 2019 г., 21:50
    Бартимеус   Пожаловаться

    2.Биир угунньаҕа укта - кыттыста диэн быһылаах

    4.Оһоҕоһо уһукта илик - утуйан тураат аһаан баран иһэ моһуогурбут?

    5.Сир быта киһи - кыра-хара киһи?

    6.Сири буору кымыстат - сири-дойдуну аһатыы?

    7.Үөдэн таһаа оҥорбут - туох эрэ куһаҕан быһыылааҕы оҥорбут диэн ду?

     

    кытаат эдьиий, суруйан ис, суруктары кымыстаа)

  • 10 апреля 2019 г., 22:15
    astion   Пожаловаться

    Махтал)))

  • 10 апреля 2019 г., 22:50
    DearDear   Пожаловаться

    Ааҕан баран тута тураах сыптарынын эрэ сэрэйдим биир угунньаҕа укта диэн "Польша одну гребенку" диэбит курдук эбитэ дуу.

    Сахалыы суруйар иллэҥ суох курдук, бэнидиэнньиккэ үлэм үгэнэ буолар буолла, ол иһин сэмээр өй тойон булан суруйар соло көстүбэт, атын күннэргэ "ааспыта" диэн буолар :))

  • 10 апреля 2019 г., 22:54
    Гривастый   Пожаловаться

     Сахалыы кыайан суруйбат эбиппин, дьэ накаас.

  • 10 апреля 2019 г., 23:07
    Ghost_Raven   Пожаловаться

    Хаьан ба5ар т8р88бут тыл кэбирэх уонна кирдээх буолар, к8лу8нэ аайы тыллар уларыйан "сомо5о домох" урдугэр сан,а сомо5о домох у8скээтэр-у8скээн иьэр. Уонна кыра эрдэхпититтэн тылбыт бэриэмэ хамыытын батыьан хаста да биллибэккэ уларыйар. Билигин ким эмит "ууран биэр", "уьулаатан,", "сарпа5ырдар" диэтэ5инэ ким да 8йду8 суо5а. Ол иьин т8р88бут тыл бэйэтэ бэйэтин иьиттэн умнуллан, ууга-хаарга баттатан, уонна атын омук тылын кытта буккуьан, дэлби муобуран, бэт эмэ5ирбит бэс курдук кэбирэх буолан хаалар. Ол да буоллар урукку суппут тыллары тилиннэрэр туьата суох. Киьи т8р88бут тылын ыраастыан наада. Холобура: киьи соьуйда5ына маатыранан эстэ туьэр, кэтэспэтэх кэм бу тиийэн кэллэ5инэ киьи ыксаан бэлэм киинэттэн-интэрнэттэн ылбыт тылларын субурутан кэбиьэр. Ол эбэтэр билин,н,и киьи т8р88бут тыла ыьылла5ас, хантан эрэ муспута биллибэт кирдээх тыл. Онтон киьи сан,а бэйэтэ билбэт омук тылын у8рэтэригэр, кини туоьулаан буккуйбакка ыраастык у8рэтэр, кэпсэтэригэр киниэхэ тэн,ниирэ суох буолан онноо5ор ол тылга т8р88бут дьонноо5ор быдан уун-ураннык кэпсэтэр. Гынан баран у8рэтиллибит тыл хаьан ба5ар биллэрин курдук ыйааьыннаах, хамсаан-имсээн биэрбэт.

    • Автор
      10 апреля 2019 г., 23:35
      стрела81   Пожаловаться

      Ghost_Raven, төрөөбүт тылбыт кирдээх, ыраас буолара бэйэбититтэн тутулуктаах. Билигин тыллары араастаан кылгатан, уларытан, саха тылын киртитэллэр. . Оҕолорбут сахалыы билбэттэр. Аҕыйах бэйэбит тылбытын умуннахпытына табыллыбат, атын омук тылларын кытары буккуһарбыт сатаммат. Мин саха тылын сөргүтэр туһугар, умнубат туһугар. Бэйэбинэн холоон көрөн , сахалыы на бытовом уровне кэпсэтэр кыра, тылгын сайыннарбат, өйгүн- мэйиигин дьарыктаабат .Билигин миэхэ нууччалыы толкуйдуур, суруйар быдан судургу. Сүрэҕэ суох буолар киһи. Сахалыы кинигэни ааҕыахха наада. Биирдэ эмит сахабыт чулуу суруйааччыларын айымньыларын аахтахпына, үчүгэйдик даҕаны суруллубут, саха тыла баай даҕаны, ол эрэн, билбэт тылым элбэх да эбит дии санааччыбын.

  • 10 апреля 2019 г., 23:57
    Fostabls   Пожаловаться

    Унуога _иниэгэ суох диэн буолуо

  • 11 апреля 2019 г., 00:20
    Ghost_Raven   Пожаловаться

    Аа5ар да кэпсэтэр да кыра. Ин,эриниэххэ эрэ наада. Онноо5ор грамматика у8рэтиитэ ханна да тиийбэт. Киьи кыраттан бытовойтан са5алаан оло5у к8руутугэр дылы уларыйыан наада. Киьи бэйэтин ис хоьооно уба5ас буоолла5ына тыла эмиэ кылгас-м8лт8х буолар, оло5о уота суох буолла5ына тыла ичигэьэ суох. Оннук кураанах киьини куускунэн да у8рэтэн туран тугу ылаары? тугу кэпсиэ5эй? Арай киьи туох эрэ кэпсиирдээх буолла5ына, Арай иьигэр туох эрэ умайар буолла5ына, тугу эрэ тылынан бэрсиэн ба5арар буолла5ына. Кини тылын к8рунэр. Ис хоьоону тылынан чопчулуур олус ыарахан, умайа сылдьар уоту тылга туьэрэн таьаарарга олус ураты сыьыан наада. Бэ5эьээ хайдах курдук аьаабыккын куулэйдээбиккин кэпсииргэр улахан сатааьын наадата суох. Онтон тапталы хоруйдуурга тылы туйгуннук баьылыахха наада. Урдук санаалар кэрэ ньуурдарын сутэрбэккэ уллэстээри киьи тылын сайыннара оннук урдуккэ тэн, улэлэри ыытар. Онтон мин оннук дии саныыбын.

    • Автор
      11 апреля 2019 г., 09:28
      стрела81   Пожаловаться

      Ghost_Raven, оҕоҕун хайдах иитэн таһаараргыттан, эн этэргинии "убаҕас" эбэтэр төптөрүтүн " толору" диэххэ дуу, ис туруктаах буола улаатар. Оҕо бастакы билбит, саҥарбыт тыла төрөөбүт төрүт тыла буолуохтаах. Оччоҕо эрэ бу оҕо , холобур дьиҥ сахалыы тыыннаах буола улаатар. Ону ким бары билэр. Ону тэҥэ элбэх өссө, иитии такайыы үлэтэ. Наһаа биллээҕимсийээри гынным быһылаах.))

      • 11 апреля 2019 г., 13:52
        Ghost_Raven   Пожаловаться

        стрела81, дьон бэйэлэрин ис уоттарын кыайан туппакка, умулларан баран: "бээ, бачча элбэ5и сыыьан бараммын, бэйэм о5ом уотун ба5ыс умулларыа суох тустаахпын". Оннук толкуйдуур олус сыыьа дии саныыбын. "маннык гын - оннук гын", "маннык Куьа5ан - оннук Куьа5ан" диэн такыйар табыллыбат. О5о барыта бэйэлэрэ сыыьан, у8рэтэн, у8ьээттэн охтон у8рэннэхтэринэ эрэ ону маны булан Иннин диэки суолларын он,остоллор. Онно кырдьа5ас дьон 8йд885умсуйэн кулуу гынан олох мэьэйдэьиэ суохтаах. Эн куьун,н,у лабаа, сан,а уунэн эрэр сибэрдэх о5о5о тугу биэриэххиний? Ол оннугар умуллубут буруо у8ру8 эрэ тустаах сан,а эдэр олох уота ичигэстик чичигирии умайарыттан. Хаьан эрэ биьиги эмиэ чичигирии умайар этибит, то5о ону биьиги оннук-маннык б85унэн Саба баттыахтаахпытый? "суурумэ", "хаьытаама", "ыттыма", "ньа5айданыма", "бар муннукка тур", "уоскуй", "уруоккун аах", "иьиккин сууй", "маскын мастаа", "ыьыма, хомуй", "то5о алдьаттыан?", "оннук гыныахтааххын - оннук гыныа суохтааххын, Куьа5ан", "кыбыьыннарыма киьини, то5о итинник сан,ара5ын (гына5ын) (дьиэ5э кэьэтиэм)". Бэйэбит умулларан баран, 8сс8 кыыьырабыт:"о5о о5о курдук суурэ к8т8 сэмэй буолуохтаах этин буо". "уот" диэн тыл ис хоьооно дирин, баай, онтон ким эмит"уот" диэтэ5инэ уот барда дуо диэн буолуо. Биир бытовой бурустуой ба5айы тыл биирдэ эмэт кэрэ нарын ис хоьоонноох буолан туруон С8п. о5о ис уотун эьиги умулларыа эрэ суох кэрэхтээххит, онтон атын,а о5оттон бэйэтиттэн эрэ тутулуктаах. Сахалыы тылы ин,эринэр дуу, немецкэйи дуу.

        • Автор
          11 апреля 2019 г., 14:06
          стрела81   Пожаловаться

          Ghost_Raven, арыычча сыыьа барда быьылаах, кэпсэтии сунньэ. Иитии такайыы диэн буойуу- хаайыы эрэ буолбатах. Ол гынан, бэйэ5ин кытары илдьэ сылдьан бастакы тердун син биир биэрэр буолла5ын ди, о5о5о.Что такое хорошо. что такое плохо диэн.) Эн глобализация диэкигин быьылаах, арааьа.)

          • 11 апреля 2019 г., 20:35
            Ghost_Raven   Пожаловаться

            стрела81, хас биирдии т8р8ппут о5отун иннигэр эбээьиннэьин кыа5ын баарынан араастаан к8рд8р8р. Ол гынан баран, бэйэтин ис о5отун сайыннарбатах киьи хайдах о5ону 8йду85эй? Хайдах бэйэтин кытары батыьыннара сылдьан у8рэтиэй? Ол иьин хас биирдии т8р8ппут олус диэн куттанар "О5ом миигинэ суох ханна тиийиэй?", "О5ом миигин батыспата5ына кими батыьыай?", "туох араас быьылаан суолга уйдарыай?", уонна о5отун бэйэтин тимир илиититтэн араарбат. То5о маны глобализация диигит? Олох бу Куннээ5и дьарык буотах дуо? Уонна хаьан о5ону (дьону) кытары учугэй доруобай сыьыан олохтоору гына5ыт? Дьон Наар инникилэрин к8р8лл8р, суо5у батыьа сатыыллар, уонна билин,н,и кэмн,э толоруохтарын с8пт88х у8руулээх уктэллэрин сууйтэрэллэр. Уонна тиьэ5эр тиийэн хайдах манныкка тиийэн хааллыбыт диэн ыйыталлар. Ханна да5аны учугэй Куьа5ан диэн суох. Барытын туьаныахха С8п. О5ону онтон хайаанда5аны хаамарга сан,арарга у8рэтэ5ин буо, гынан баран хайдах сан,арарыгар уонна ханан хаамарыгар орооьор сыыьа. Ол гынан баран маска урдуккэ ыттарыгар холобура к8р8 сылдьан к8м8л8ь85ун буо, сурэ5элдьээн бобон кэбиьэр сыыьа. Хайдах эрэ иитиигэ опыта суох дьон курдук сан,аран эрэ5ин.

            • Автор
              11 апреля 2019 г., 20:58
              стрела81   Пожаловаться

              Ghost_Raven, оҕону иитигэ хайабыт ордук опыттааҕар күрэхтэһэбит да?) оонньоон эттим. Глобализация диэн, ханнык да омук тылынан бастаан саҥарара син биир , диэбитиҥ иһин, эппитим. Тыл баар буо, киһи омук быһыытынан самоидентификациятын сүрүнэ.

              • 11 апреля 2019 г., 21:23
                Ghost_Raven   Пожаловаться

                стрела81, оонньообокко эттэххэ, сурэхтэн тыллан тахсыбыт тыл, минньигэс, куту тилиннэрэр. Ол тыл, буукуба эрэ буолбатах, кини киьи сымна5ас хара5ар тыгар, кини киьи аргаайдык нарыннык туттарыгар хаптарыгар к8ст8р, кини киьи мичээригэр сайдан улаата тэнийэр, кини киьи аьа5ас сыьыаныгар арыллар. Ол тыл, кэлтэй да буолуон С8п, быьа5ас да буолуон С8п, кини умайа сылдьар тыыннаах тыл, кини нарын сыта киьи сурэ5эр дылы тиийэр, онтон атын туох нааданый? Т8б8ну этиьэн дэлби сынньар наада дуо? "Наа ким с8пк8 этэрий Наа?", "Наа Ким манна саамай 8йд885уй на?".

                • Автор
                  11 апреля 2019 г., 21:43
                  стрела81   Пожаловаться

                  Ghost_Raven, эс, мин өй былдьаспаппын, тем более эр киһиттэн.)

                  • 11 апреля 2019 г., 22:11
                    Ghost_Raven   Пожаловаться

                    стрела81, оо дьэ, миигин оннук кыймарын,наан кэпсэтэр киьи диигин дуо? Хаьан ба5ар сурук этиилэрим дирин, долгуннары батыьаллар, угус туора тыллары холобурдаан а5алан этэбин, быдан 8йд8нумту8 буоллун диэн. Тылларбын ох курдук сымсатык тиийэллэрин туьугар сайыннара сатыыбын, да5аны кэпсэтэ турар киьибин умнан, сотору сотору бэйэбин кытары кэпсэтэ туораан хаалабын. "Этиьэр" диэн мин 8йд8булбэр бэт кыраттан са5аланар, дьиэ5эр ыалдьыты а5алан баран чэй кутан биэрдэххинэ киьин 8ьургэнэн туруон С8п (улаханнык буолбатах, табаарыстыы, кыратык, оонньоон), ол саамай С8п, то5о диэтэргин куускунэн хаьаайын быьыытынан чэй сын,алыыр сыыьа. Эн ыалдьыт сирэйин к8р8н утатар кэмин хабан, хайы диэки к8рутэлиирин таайан, килигир ууну иннигэр туох да сын,алааьына суох кутан биэриэхтээххин. Дирин, долгун тыл ис хоьоонугар суох. Арай тыл ис хоьооно дирин, долгуннары батыспыт эрэ буолуон С8п. Т8ь8 да этии 8йд885умсуйуллубут буоллун сэн биир туьата суох.

  • 11 апреля 2019 г., 00:27
    xotyyna   Пожаловаться

    Һок, сахалыы аахпатах ырааппыт.үлэ аҕыйаатар суруйуохха да баара.чэ,бэйи,көстөн иһиэ...

  • 11 апреля 2019 г., 01:02
    5рович   Пожаловаться

    Дьиҥэр сир быта-барытын билэ, көрө, сылыктыы сылдьар киһи буолбатах да?

  • 11 апреля 2019 г., 02:16
    apos555   Пожаловаться

    1.Чуоҕа- муоҕа суох. Истибэтэҕим даҕаны, сатаан быһаарбатым даҕаны

    2. Икки илиилээх. Билэбин, истибитим. Кимиэхэ эрэ табыллар, кимиэхэ эрэ табыллыбат, оҥорбутун, уһаммытын

    2.Биир угунньаҕа укта. Истибэтэҕим, билбэтим

    3.Мин да ытыспар тураах сыптарыйыа. Истибэтэҕим, ол эрэн бука сэрэйдэххэ, соһуччу барыс

    4.Оһоҕоһо уһукта илик. Истибитим, билэбин. Сарсыарда сатаан аһаабатахха инньэ дииллэр

    5.Сир быта киһи. Истибитим, буолан баран суолтатын өйдөөбөппүн

    6.Сири буору кымыстат. Кыҥастас буотах да?! Мөҕүллэн эбэтэр кыбыстан умса көрөр диэбит курдук

    7.Үөдэн таһаа оҥорбут. Истибитим. Сатаабатах, алдьаппыт

    • Автор
      11 апреля 2019 г., 09:31
      стрела81   Пожаловаться

      apos555, таайа сатаабыккын ди. Соруйан саамай биллибэт сомоҕо домохтору суруйбутум.) Бэйэм да саҥа истэбин, сорохторун.

  • 11 апреля 2019 г., 05:59
    Lediplamy   Пожаловаться

    Сороҕун истибэтэх ду, өйдөөбөт ду эбиппин.

    1.Харса суох

    2.Сатыыр,сатаабат туттуулаах,холус

    3.Биир сиргэ укта, Эмиэ оннук гынна, опять одно и то же сделал,кыттыста

    4.Мин да харчыланыам,байыам,аһыам,илии тутуурданыам,эбэтэр повезёт,үчүгэй буолуо миэхэ даҕаны

    5.Аһыан баҕарбат,сатаан аһаабат,аппетита суох

    6.Кыра- хара,туһата суох киһи,туһанарын эрэ билэр киһи

    7.Миэхэ ыарыылаах оҥоро сатаама,туһата суох.Кымыстас диэн тыл кымаахтаа диэн буоллаҕына.Кымыстаа кымыс диэн буоллаҕына,сири- буору аһат, алҕаа.Буруйдааҕы көрдөөмө...

    8.Куһаҕаны оҥорбут,куһаҕаны,биллибэти,биллибэттик оҥорбут, Тугу эрэ оҥорбут,өйдөөбөппүн...

  • 11 апреля 2019 г., 06:00
    Lediplamy   Пожаловаться

    Тугу да аахпакка,көрбөккө суруйдум.

  • 11 апреля 2019 г., 06:06
    Lediplamy   Пожаловаться

    Сири буору кымыстас диэн аны кыбыһын, суобаһыҥ оонньоотун диэн буолуон сөп...

  • 11 апреля 2019 г., 06:14
    Быйанг   Пожаловаться

    Олус үчүгэй. Өссө суруйаргын кэтии сылдьыаҕым.

     

    Махтал!

  • 11 апреля 2019 г., 07:40
    Lediplamy   Пожаловаться

    Ойуунускайы саха классиктарын ааҕыҥ,саха тылын сүөгэйэ, минньигэһэ онно бааллар.

  • 11 апреля 2019 г., 08:38
    EAG   Пожаловаться

    никогда такие не слышал, в какой улусе так говорят?

  • 11 апреля 2019 г., 10:31
    xotyyna   Пожаловаться

    Хара кыталыгы ааҕа сатаабытым да төрүт туох эрэ утуйар эмп курдук дьайар һаһаһа дьэ, накаас диэтэҕин!

    • Автор
      11 апреля 2019 г., 10:57
      стрела81   Пожаловаться

      xotyyna, киһи сааһыран истэҕинэ сүрэҕэлдьиир буолар быһылаах. Сахалыы аахтаахха, мэйиигин хамсатыахха наада.)) Ону тулуйбакка, сылайабыт. Оҕо сылдьан сахалыы айымньылары чэпчэкитик ылынаҕын, холобур " Төлкөнү" бэһис кылааска сылдьан аахпытым.

      • 11 апреля 2019 г., 11:07
        xotyyna   Пожаловаться

        стрела81, мин биир тастыҥ эдьиийим мэлдьи сахалыы кинигэлэри ааҕар. Ол гынан баран тыла-өһө оннук сайдыбытын көрбөппун,эгэ истиэм баара да

  • 11 апреля 2019 г., 11:03
    Никулай   Пожаловаться

    Миигин табаарыһым холуочуйан баран "көссүүлээххин дуо?, миэхэ хас да баар!" дии2 хаадьылаабыта. Ону тулуйа сатаан баран: " Көссүө киһи - көссүүтэ суох" диэн өс хоһоонноон хоруйдаабытым. 

  • Автор
    11 апреля 2019 г., 11:52
    стрела81   Пожаловаться

    Өс* хоһооно)

  • 11 апреля 2019 г., 13:28
    Bocsh   Пожаловаться

    Булуу болох улуустарыгар сорох сирдэригэр буолуо отой атын курдук ойдобуллэрэ холобур чайнигы ойуурга тааьар ол аата уоттан тэйитэн биэр диэн эбэтэр хортуоппуйу иинтэн таьаар дииллэр бастаан ойдообокко конотук саныыр этим ханнык ойуурга таьаарабын диэн))) Сахалыы суруйар ордук кытаанахтык этэргэ дылы буолар 🙂 конкретно иьиллэр саха тыла уонна сурйуута суруйсар киьин ойдуур а так если к спеху то по русски коротко можно написать

    • Автор
      11 апреля 2019 г., 14:00
      стрела81   Пожаловаться

      Bocsh, оннук баар ага. Диалект диэн эбитэ дуу.) Хайыы сыта5ыт, инин диэччилэр, тугу гына5ыт диэни.) Саамай кулбут тылым кээнчэ диэни онньууска дииллэритттэн. Улуус улуус аайы биир тылы араастаан ааттыахтарын сеп. Онноо5ор биир белех иьигэр, холобур Мэнэ5э уонна Чурапчыга. Эмалированнай биэдэрэни- мендулуенэй биэдэрэ дииллэр, сорохтор лаахтаах биэдэрэ. Киин улуустарга тоьо5о диибит, Булуу диэки- оскуома.) Итинник элбэх пример баар.)

      • 11 апреля 2019 г., 14:28
        Bocsh   Пожаловаться

        стрела81, оннук буолунай холобур овод диэн кулумэн диэн сорох улууска куугэс диэн эбэтэр бырдах сорохторго оноойук, ньоологой, кымаайы балыкка даганы алыьар эбэтэр хахханай диэххэ соп били от куохтуну балык хара сурааьыннардах кохсутугэр уонна гребешок иннэлэрдээх кохсугэ уонна да атын тыллар)

    • 11 апреля 2019 г., 14:34
      LyubOFF   Пожаловаться

      Bocsh, ойуурга буотах, тыага кеннеруеххэ игин бо

    • 11 апреля 2019 г., 17:52
      Bar-bar   Пожаловаться

      Bocsh, ,,чаанньыгы кытыыга таһаар'' дииллэр, ол аата оһох билиитэтин кытыытыгар.

  • 11 апреля 2019 г., 14:11
    VlZ   Пожаловаться

    Стрела81, LyubOFF учугэй да кыргыттаргыт! Саха кэскилэ, саргыта эhигиттэн са5ыллар!

  • Сахалыы үксүн сатаан туттубаппыт, холобур ЫНЫРЫК диэн тылы мэнээк туттар дьон олус элбэх

  • Куучча бары диэн тугуй оччоҕо??))) Буола, бээһиҥкэ, кырыыҥка, оскуома,

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь