home
user-header

                        
                        
Сахалыы ас туһунан кылгастык
11 апреля 2019 г., 21:01 504

 Биир нэдиэлэ устата, күн аайы суруйуох буолбутум, онон, этэргэ дылы " туттун да торуоска, кэттин да сэлээппэ" диэн буолар.)

Бэҕэһээҥҥи сахалыы пост рекорд олохтоото, 30 тахса лайк, 18 ааҕааччы комментарийын хомуйда. Соһуйдум да, үөрдүм да.)

Бүгүн сахалыы ас туьунан кыратык суруйбута буолуом.  "Киһи  этэ - хаана кини тугу аһыырыттан  турар " диэн мээнэҕэ эппэттэр.

Саха киһитэ хайдах аһы аһаатаҕына, доруобай сылдьарый, хайдах ас киниэхэ, кини этигэр сиинигэр  ордук барсарый? Бэйэм да билиэхпин баҕарабын. 

Кинигэҕэ суруйалларын аахтахха, сахалыы ейдебүлүнэн  киһи  айылҕаттан ылыллыбыт астарынан  аһыахтаах. Сахалыы астар эттэн, үүттэн , балыктан оноһуллаллар диэн өйдөбүл баар.  

Ордук үрүҥ ас , суорат,  кымыс туһалаахтар эбит . Аатырбыт норуот эмчитэ Никон Васильевич Алексеев - Ньыыкан кырдьа5ас: " Сахалар бу кэлин үрүҥ аһы кыайа- хото аһаабаппытыттан ис, үөс, оһоҕос ыарыытыгар дөбөҥнүк  ылларар буоллубут. Сарсыардааҥҥы  искэ суорат, үүт диэн туох да аска бэриллиэхтэрин сатаммат. Иһи,  оһоҕоһу ыраастыыллар. Дьэ ол кэннэ аһыахха, итии чэйи иһиэххэ наада. Ону биһиги уһукта  илик, бэҕэһээҥҥи, өссө иллэрээ күннээҕи астан ситэ ыраастана илик куртахпытыгар, оһоҕоспутугар айахпытын сиэтэр итии чэйбитин, кытаанах аһы , " ис быһаарыа"- дии , дии аһыыбыт. Ол симинэр итии, тымныы, астарбытын бөрө  да куттаҕа тулуйбат"- диир эбит. 

Норуот эмчитэ Гурий Иванович  Турантаев: " Киһи  ыалдьыыта сүрүннээн сөптөөхтүк  аһаабаттан быһаччы тутулуктаах. Киһиэхэ  саамай туһалааҕы , терут аспыт тар, суорат. кымыс, сыма бааллар. Итилэр киһи  ис органыгар үчүгэйдэр " -диир эбит.

Мин "Саха  төрүт аһа- үөлэ " диэн кинигэҕэ элбэх да5аны сахалыы ас баарын, онтон соро5ун  хаһан да сиэн көрбөтөх эбиппиттэн , хаһан даҕаны истибэтэх саха астарын аатын ааҕан баран сүрдээҕин диэн соһуйбутум.) Холобур, маннык ааттаах астары ким эмит билэр дуо? Барча, буорса, дьалтах, хохту, лыыба, хооҥкура, дьаакы, аҕараан.)) Мин түһээн да баттаппатах ааттарым, итинник астары сиэбэтэҕим даҕаны, сиэбэтим да буолуо

Саха киһитэ этэ суох син биир табыллыбат, ынах сүөһү , сылгы, көтөр этин сылы быһа сиир. Онно эбии күөл, өрүс балыгын, үрүҥ аһы. Ону тэҥэ бэйэбит тыабытыгар үүнэр отон арааһын үргээн хаһаанабыт. Билэр өттө эмтээх оту хомуйан ,хатаран , чэйгэ да куталлар, эмтэнэллэр даҕаны. Уонна оттон бэйэ оҕуруотун  аһа кэлии ас курдук буолуо дуо, битэмиин бөҕө буо.) Онон улаханнык атын сиртэн кэлэр буортулаах аһы ылымыахха  да сөп курдук. 

Аны киэһээҥҥи  аһылык  туһунан. Сахалар ордук тото хана киэһэ аһаан  баран утуйаллар. Ол оннугар сарсыарда, күнүс  аҕыйаҕы  аһыыллар .Биир бэйэм оннук аһыыбын. Эппит хааммыт онно уерэммит буолан , туох да буортуну ол а5албат , дииллэр эбит норуот эмчиттэрэ. Даҕаны, хайдах эбитэ буолла. Билиҥҥи саха  киһитэ үксэ олорон эрэ ,  эт- хаан  өттүнэн сылайбат үлэҕэ үлэлиир буолан,  тардына соҕус аһыан сөп эбитэ буолуо.)

 

Чэ, наһаа элбэҕи куолулаан бараары гынным , сороҕун соттордум иҥин. Түксү, сөп буолуо.)

 

 

 

#сахалыы

#биирнэдиэлэсахалыы

 

Избранное
  • 11 апреля 2019 г., 21:42
    xotyyna   Пожаловаться

    Төрүкү истибэтэх астарым, туох эбитэ буолла, ээ? Мин үүт диэни отой испэт киһибин, иһим "тоҕу" барар. Дьэ,дьикти диэтэҕин. Ол эрэн сиикэйи дьэ сиибин да сиибин. Биир кыһын,чопчулаан эттэххэ - икки ый устата соҕотох бэйэм биир убаһа этин сиэн турардаахпын. Тоҥ балык,быар туһунан этэ да барбаппын

    • Автор
      11 апреля 2019 г., 21:48
      стрела81   Пожаловаться

      xotyyna, үүт аһы буһарар ферменын суоҕа буолуо дуо? Мин суораты, творогу төһө баҕар сиибин, күөччэҕи, сүөгэйи сэрэнэ соҕус.) Оҕо сылдьан тоҥ убаһа этин ынырыгын сиир этим. Оскуолаттан кэлэн баран, террасаҕа турар баахтан биир кырбас эти тутан киллэрэр этим. Субайдаммыт хааны иһэрдэн сордууллар этэ, билигин да сөбүлээбэппин. Бээх((

      • 11 апреля 2019 г., 21:54
        xotyyna   Пожаловаться

        стрела81, ким билэр,биллээ суох. Эһээхэй эрдэхпиттэн испэккэ эрэйдээбит үһүбүн. Кытайдарга дылы диибин ээ,һэһэһэ субайдаммыт хааны күүскэ ыалдьыахпыттан иһэр буолтум, арай истэххэ сэниэ эбиллибиккэ дылы буолааччы. Сөбүлүүбүн,көмөлөөх баҕайы эбит. Кыах баара буоллар күн аайы да иһиэм этэ

        • Автор
          11 апреля 2019 г., 21:58
          стрела81   Пожаловаться

          xotyyna, мин балтым курдук эбиккин. ) Кини сүөһү өлөрдөхтөрүнэ, хааны сылаастыы иһээччи өссө. Оҕо эрдэҕиттэн анемиялаах этэ. 

  • 11 апреля 2019 г., 21:48
    xotyyna   Пожаловаться

    уонна...бу диэн кистээбэккэ эттэххэ,оту хомуйар этим,кыһын ыалдьаары гыннахха иһэргэ. Арай былырыын эрэ тугу да хомуйбатым,сир аһын аахпатахха. Быйыл салҕыахха баара,быыс буллар

    • Автор
      11 апреля 2019 г., 21:51
      стрела81   Пожаловаться

      xotyyna, эмтээх от бэрт бөҕө буо, химияны иһэр курдук буолуо дуо? Туһалыыр буоллаҕына, хоиуйуоххун наада.

      • 11 апреля 2019 г., 21:55
        xotyyna   Пожаловаться

        стрела81, арай санааҕа,бэйэм хомуйбут отум быдан көмөлөһөр курдук,атын дьонтон ылбыттааҕар

        • Автор
          11 апреля 2019 г., 21:59
          стрела81   Пожаловаться

          xotyyna, оннук буоллаҕына, тем более хомуйуоххун наада эбит. 

          • 11 апреля 2019 г., 22:04
            xotyyna   Пожаловаться

            стрела81, дьиҥэр,биһиги дойдубутугар үүнэр оттор барыта эмтээх дииллэр. Чахчы оннук да буолуо ээ. Урут оҕо сырыттахпына эһээм этэр этэ, "ыалдьар буоллаххына тиэргэниҥ иһигэр туох уорганыҥ ыалдьарынан от үүнэр"-диэн 

            • Автор
              11 апреля 2019 г., 22:16
              стрела81   Пожаловаться

              xotyyna, кыра сырыттахпытына, эбэм дьиэтин кэннигэр богородская трава үүнэр этэ, боҕуруоскай от диир этэ эбэм, биһиэхэ хомуйтарар этэ.) Дьиэ иһигэр буруолатар быһылааҕа,

  • 11 апреля 2019 г., 22:14
    DearDear   Пожаловаться

    Сарсыарда ол иһин суорат иһиэхпин баҕарабын, сарсын ылар эбиппин :)

    • Автор
      11 апреля 2019 г., 22:18
      стрела81   Пожаловаться

      DearDear, уонна таарыччы "Эрэл " суоратын рекламалаан кэбис.)) Кырдьык үчүгэй ээ, хойуу уонна ньулуун. Наар атыылаһабын.)

      • 11 апреля 2019 г., 23:19
        DearDear   Пожаловаться

        стрела81, суорат диэн Эрэл эрэ буо, атыны испэппин :) амтана сымнаҕаһа, бэйэтэ сыата кыра эрээри тотоойута, консистенция идеал диэн ити :))

  • 12 апреля 2019 г., 02:05
    Garmonist   Пожаловаться

    Урут ас-уол чахчы дьиннээх буола сырыттага. Ол иьин обугэлэрбит учугэйдик аьаан, сэниэлэнэн, тахсыылаахтык улэлээн, баччаанна диэри чыып-чаап дии сырыттахпыт. Онон бука бары аспытын-уолбутун корунуох тустаахпыт!

    • Автор
      12 апреля 2019 г., 14:21
      стрела81   Пожаловаться

      Garmonist, өбүгэлэрбит барахсаттар кытаанах кэмнэри ,сэриини , сут дьыллары ааһан, саамай доруобайдара хаалан, биһиги баар буоллахпыт. Астара биллэн туран, ол саҕана натуральнай бөҕө буоллаҕа.

  • 12 апреля 2019 г., 08:56
    LyubOFF   Пожаловаться

    Ессе туох диэн баара ди... терут аскыттан уойбаккын диэн Холобур, бурдуктан оноьуллубут араас выпечкаттан саха туох да ереьултэтэ суох уойар буоллагына, сахалыы лэппиэскэттэн тупсар эрэ уьу🙄 Атын астан эмиэ. Чэ билбэтим, ол эрэн эрэниэххэ багарыллар Теруетэ диэн туохха сытар... учуонайдар-мучуонайдар киьи этин-сиинин генетическай памята диэннэ ологуран оннук этиини таьаарбыттар, якобы былыр уйэттэн организм уерэммит аьа, онон туох да буолбат диэн🤔

    • Автор
      12 апреля 2019 г., 11:16
      стрела81   Пожаловаться

      LyubOFF, ити чахчы. Төрүт аскыттан уойбаккын, хас эмит үйэлэр тухары сиэн кэлбит эппит, арыыбыт, үүппүт буо. Маргарин, сахар, красители, араас добавки- ити барыта диабет, инсульт, инфаркт, онкология төрүтэ. Уонна сахалар обменнара липиднай диэн быһылааҕа, углеводнай буолбатах. Тымныы сиргэ олорор буолан, энергияны, сылааһы биэрэр аһы аһыы үөрүйэхпит. )

  • 12 апреля 2019 г., 09:44
    Kori_Night   Пожаловаться

    Сахалыы аһы соччо сөбүлээбэппин. Үрүҥ аһы сөбүлүүбүн да, иһим буьарбат. Не хватка лактазы. Сиикэй эт, быар, балык олох сатаан сиэбэппит. Хотуолаан кэбиһэбин. Сыма диэн сытыйбыт балык бытта? Бъях

    • Автор
      12 апреля 2019 г., 11:19
      стрела81   Пожаловаться

      Kori_Night, сыманы билигин ким да сиэбэтэ буолуо арааһа. Сахалар дьиҥэр сиргэмсэх соҕуспут, булт да аһын көрдөххө, аҥаар кырыытыттан, барытын өлөрөн сиэбэппит. Сахалыы ас дьиҥэр боростуой ээ, астыырга даҕаны. Очоҕо тугу аһыыгыный?

      • 12 апреля 2019 г., 11:23
        Kori_Night   Пожаловаться

        стрела81, борустуой аһы сөбүлүүбүн. Хааһы, миин, килиэп, офощи и фрукты, ыһаары. Оннук маннык фастфуд, суши муши астары сөбүлээбэппин. Суши диэн аһы боруобалаан баран хотуолаан кэбиспитим. Дьаабы ас.

  • 12 апреля 2019 г., 11:24
    Руфь   Пожаловаться

    привет)

    Сахалыы суруйуохпун багарар эбиппин. Эйигин ааган баран ейдеетум ити. Шрифт туруоруохха наада улэбэр::)

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь