home
community-header

                    
                    
Нотр-Дам умайыыта уонна саха дьоно...
Alaas_uola 17 апреля 2019 г., 17:46 в САХА ЭЙГЭТЭ 225

Күн бэҕэһээ Франция киин куоратыгар - Парижка "Нотрдам" диэн таҥара дьиэтэ умайбытын туһунан дьон бары кэриэтэ көрдө-иһиттэ, үгүс дьон французтары кытта тэҥҥэ хоргутта, кутурҕаннарын үллэһиннэ. Туох баар СМИ бу туһунан суруйда, араас сонуннары күнү быһа таһаарда уонна таһаарыа да турдаҕа. Ааһа баран эттэххэ, бары киирэн ааҕар ykt.ru сайтпытыгар "Якутянка стала свидетелем пожара Нотрдам" диэн сонунунан бар дьону эбии аймаата.

 


"Маннык буолуо суохтаах! Киһи-аймах улахан аньыыны оҥордо! Бу күҥҥэ биһиги бары французтары кытта бииргэбит!" - о. д. а. манна майгынныыр ис-хоһоонноох суруйуулар үгүстүк сурулуннулар.

 

Оннооҕор Арассыыйа Култууратын Министиэристибэтэ бу храмы хаттаан чөлүгэр түһэриигэ олохтоох дьонтон көмө харчы хомуйан саҕалаата. Дойду баһылыга Францияҕа бастыҥ реставратордары ыытарга бэлэмин биллэрдэ... Үгүс блогердар, эстрада үлэһиттэрэ да мантан хаалсыбатылар. Быһаччы эттэххэ, уруккута инквизиция уйата буолбут, түһээн баттаппатах дьиэбит суох буолбутуттан бары олус диэн омуннаахтык уйадыйдыбыт, алыһын айманныбыт уонна холустук хоргуттубут.


Бу сирэй-көрбөх көстүүттэн мин улаханнык сонньуйдум даҕаны, бэркиһээтим даҕаны. Бу туох айылаах улуу аймалҕанай? Ама, биһиги бэйэбит архитектурнай памятниктарбытын харыстаабат, чөлүгэр түһэрэргэ күһэллибэт эрээри, тоҕо сымыйанан аймаммыта буолабытый?! Ханнык эрэ ыраах тот олохтоох Францияны аһыммыта буолабытый?!

Бу буола турары барытын туораттан көрөн туран Айыы уолун "Тохтооҥ дьоннор, өйдөнүҥ!", эбэтэр Jeada "Олохпут кырдьыга" диэн ырыаларын тыллара киһи өйүгэр киирэн кэлэллэр.


Баар суох Дьоллоох Дьокуускайбытыгар (дьоллоох ду, сордоох ду?) ааспыт күһүн Арчы дьиэтэ умайбытыгар ким да аахайбатаҕа. Биир да киһи көмө харчы хомуйуохха диэн тыл көтөхпүтэ иһиллибэтэҕэ. Саатар биир эмит блогер хараастан санаатын суруйбатаҕа, күндү инстаграмыгар сторис таһаарбатаҕа.

 

 2018 сыл күһүнэ. Арчы дьиэтэ умайа  турар

 

Бу саат-суут манан эрэ бүппэт, иһэ-истээх. Биһиги үгүспүт Теплай күөл кытыытыгар, Кулаковскай уонна Ярославскай уулуссалар силбэһиилэригэр турар, куһаҕан көстүүтүттэн кистэнэн ленолиумунан бүрүллүбүт дьиэни - Классическай гимназияны көрбүт буолуохтаахпыт.

 

 2014 c.

 

Бу 1873 с. тутуллубут дьиэ 2014 с. умайан көҥдөйө эрэ хаалбыта. Ол курдук салҕыы хайдах буолар дьылҕата билигин да быһаарыллыбакка, куорат биир муҥутуур мөкү көстүүлээх сирэ буолан турар.

 

 

Дьиҥэ, история кэрэһэлэрин арыйан көрдөххө, бу саха омук интеллигенцията бүттүүн кэриэтэ үүнэн-сайдан тахсыбыт дьиэтэ. Саха литературатын төрүттээччи Кулаковскай А. Е - Өксөкүлээх Өлөксөй, саха судаарыстыбаннаһын олохтооччу Никифоров В. В. - Күлүмнүүр, сахаттан бастакы учуонай - Константин Неустроев - Урсик, бастакы кыраайы үөрэтэр түмэли тэрийээччи Андрей Попов, сахаттан биир бастакы педагог - Пётр Староватов...

 

Атыннык эттэххэ, бу дьиэ саха омук тыыннаах хаалыытыгар, сайдыылаах олоххо үктэниитигэр, Өрөспүүбүлүкэ дьылҕатыгар быһаччы сибээстээх. 


Аны туран, бу дьиэ ойоҕоһугар иккис сүүнэ архитектура памятнига турар. Ол эбэтэр, Реальнай училище. Бу 1911с. тутуллубут, үгүс саха интеллигенциятын уһуйан таһаарбыт дьиэ, билигин кэлии миграннар, гастарбайтердар чэпчэтинэр уонна көҕүрэттэр сирдэрэ буолан турар. Түүнүн манна араас неформаллар, арыгыһыттар, куорат саарбах дьоно мусталлар. Дьиэ иһэ бүтүннүү арыгы бытыыкката, эргэ таҥас, бомжтар утуйар матараастара, тардыллыбыт табах фильтрдара, туттуллубут презерватив уо. д. а. 

 

 

 

 Реальнай училище (ньиэмэс тылыттан Realschule)

 

 

 

 Realshule иһэ


Манна киһи хайдах да сатаан суруйуон, кыһыытын-абатын ханнык тылынан тиэрдиэн билбэт. Бу олус баай историялаах, саха омук үрүҥ тыынын уһаппыт сүдү архитектуратын памятнигар маннык сыһыан сөптөөх дуо? Бу үлүгэр хаһан барыта тохтуур? Куорат салалтата, ытыктыыр мэрбит бу кыһалҕаны быһаарыах тустаахтар.
Манан мин тугу этээри гынабыный? Биһиги маҥнай бэйэбитин көрүнүөхтээхпит, бэйэ бодотун тардыныахтаахпыт, ол кэннэ атын дойдуларга көмөлөһөр аакка барыахтаахпыт. 


Нотрдам дьиэтин аһыммыта буолан харчы ыытар сөптөөх ду, эбэтэр Саха омук биһигэ буолбут - Реальнай училищены уонна классическай прогимназияны реставрациялыыр чугас ду?

Хайата маҕаный, хайата хараный? 
Толкуйдаа.

 

 

Избранное
  • 17 апреля 2019 г., 22:21
    mayatnik   Пожаловаться

    Мысль очень здоровая! Мне тоже странно смотреть по телевизору про свадьбу какого-то принца, про прогулки английской королевы и т.д. Какого хера это показывают?

     

  • 17 апреля 2019 г., 23:57
    Нехор   Пожаловаться

    Ну давайте тогда не обращать внимания на то что происходит в мире.чем дальше тем нам похерее.да гори они хоть ядерным бзрыбом,все ихнии сенности.нам то че.мы же саха.мы ж только о себе думать должны.

    • Автор
      18 апреля 2019 г., 00:16
      Alaas_uola   Пожаловаться

      Нехор, ой как все запущено 🤦‍♂️

    • 18 апреля 2019 г., 21:22
      mayatnik   Пожаловаться

      Нехор, зачем такие крайности. легко плыть по течению, легко быть со всеми. Почему сразу Саха?

      Это общая беда России, одним местом ругают запад на чем свет стоит, другим местом завидуют и продадут родину за малый шанс быть своим у запада. Это горизонт за которым другой горизонт!

      На самом деле мы живем здесь и сейчас и другой жизни и страны не будет. 

  • 18 апреля 2019 г., 03:18
    Zavmir   Пожаловаться

    Согласен со историческими зданиями, но дом Арчы - это лишнее, так как его нет в списке объектов культурного наследия

    http://old.sakha.gov.ru/node/69899

    Годы постройки:

    Собор Парижской Богоматери 1163—1345

    Дом Арчы

    2002

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь