home
user-header

                        
                        
Оптуобус маҥнайгы тохтобулугар, Хараҥа куорат кытыытыгар, Дьону кэтэhэн туруохтаах, Кэлбити киллэрэр буолуохтаах!
Dansan 3 декабря 2021 г., 12:44 458

Хоть и старые стихи, но до сих пор актуальны. До народного мэра мысль так и не дошла.

 

Кыһын тыына билиннэ...

 

Киэһэ куорат кытыытыгар

Обтуобуһу кэтэһэн,

Бүгүн киэһээ кэлэйдим,

Кээнчэтийэ кэһэйдим.

Кыһын тиийэн кэлбитин,

"Бабат!" - диэммин дьэ биллим.

Сэтинньи ый силбиһиниин

Сэрэммэккэ сиэттистим...

Обтуобустар кэлбэттэр –

Мүнүүтэлэр сыыллаллар.

Тымныы эбии күүһүрэр,

Тарбахтарын саратар,

Көхсүбүттэн кууспахтыыр,

Тымныы сүүрээн куппахтыыр.

Сиһим тиэрэ кэдэрийэр,

Санныларбын хомуйар…

Былыргы саха эрэйдээх

Күчүмэҕэй кэмнэргэ

Толкуйдаабыт туттуутун

Үкчү түһэрэн ылабын:

Тоҥмут саһаан маһыныы

Токуруйбат буолабын,

Иҥнэҥэлээн хаамабын,

Сылаас тута сатыыбыт.

Илиилэрбин хомунабын,

Тоһугураан хаамабын,

Айыылартан ааттаһан,

Ботугураан ылабын:

"Сылаас чэйдээх, сырдык уоттаах

Алаһа дьиэбэр атаарыҥ!

Күлүм үөрэр, күлэн тахсар

Оҕолорбор тириэрдиҥ!"

Боодьо кыыһа Сардаанаттан

Норуот талбыт Мээриттэн

Кэтэһэбин мин эмиэ

Табыгастаах миэрэни:

Оптуобус бастакы тохтобулугар,

Хараҥа куорат кытыытыгар,

Дьону кэтэhэн туруохтаах,

Кэлбити киллэрэр буолуохтаах!

 

05.11.2018

 

 

 

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь