home
user-header

                        
                        
Сахалыы ырыалар мин сүрэхпэр
DearDear 29 октября 2019 г., 00:05 653

Сахалыы ырыаны оскуолаҕа үөрэнэ сылдьан истэр буолбутум, онтон устудьуоннуу сылдьан бастакы курстарга истэрим, онон бүппүтүм.

Ол эрэн билигин да сүрэхпэр сылаас долгун хамсатар ырыаларым туһунан #сахалыыбэнидиэнньик чэрчитинэн билиһиннэриим дуу дии санаатым.

Саамай бастакы сөбүлүү истибит ырыам Байбал "Эн эрэ". Куоракка аймахтарбар ыалдьыттыы олорон Виктория радио холбообуппар арай олох ураты ырыа кэлбитэ. Ол саҕана сахалыы ырыа диэн Марыыйа Попова да Шахурдина курдук этэ :)) Арба өссө Сахаайа баара, "Ньургуһуннар" ырыалаах, кыыс оҕото кыйманнаан-куймарыҥнаан дэриэбинэ кыыс оҕотугар "неоднозначнай" соччото суох санаалары киллэрбитэ :))

Онтон дьэ олохпор Nord Sound бөлөх нарын нарыннык тоҕо көтөн үөмэн киирбиттэрэ: "Эн миэхэ олус күндүгүүүүн, маҥнайгы ыраас тапталыыыыым" Улуйан ахан биэрэрбит :))) Ол кэнниттэн рэп үлүһүйүүтэ буолта. Ол эрэн "Мин сахабын" ырыа сахалар землячестволарын санатар, соччото суох тэрээһиннэр этэ ол саҕана. Фиестаны ордук астына саныыбын :)) "Киһилии утуйбатаҕым олуһун да ыраатта" игин диэбит курдук таптал эрэйэ, соро-муҥа :))

Алик Григорьев - уан лав, барахсан. "Аптаах тапталга куустаран...", "Ол аата эн биһи ыллыкпыт ымыыта чуопчаара ыллаабат.."

Варя Максимова урукку ырыаларын билигин да сөбүлүүбүн, оҕолорбор, кыра эрдэхтэринэ, колыбельнайдар этилэр. "Сырдык санааны", "Кэрэ ырыаны", "Түүлү" ыллаан чыычаахтарбын утутар этим :) билигин даҕаны бэйэбин уоскутунарбар "Сырдык санааны" ыллыыбын испэр, үчүгэй баҕайы ырыа: "Саҥа күн сардаҥатын көрүс миигин кытары"...

Билигин сахалыы ырыа диэни соччо истибэппин. Сүргэбин таарыйар ырыа да суох курдук. Саас концертка сылдьан Варя Ларионова барыларыттан арыычча ураты эбит дии санаабытым да бу диэн өйдөөбөппүн ырыатын :))

Онон оннук. Сахалыы биирдэ эмитэ истэр плейлистпар Алик Григорьев уонна Максима эрэ баар эбит бу көрдөххө. Махтал, эдэр сааспар бииргэ буолбут, билигин сырдык кэмнэри санатар ырыаһыттарбар :)

Избранное
  • 29 октября 2019 г., 09:34
    Fotij   Пожаловаться

    Былыргы саха ырыата, мин сурэхпин куруук долгутар...) 

  • 29 октября 2019 г., 09:53
    bounty_hunter   Пожаловаться

    Араас дойдуларга сылдьан
    Араас ейдер-санаалар
    Эн тебе5ун буккуйаннар
    Ууга уокка туhэрдилэр
    Араас ааннары арыйан
    Ыар олоххо баттатаннын
    Ал5астарын аргыстарын
    Аймаатылар эн суолгун


    О5о эрдэхпиттэн истэр ырыам. Уонна Саха ункуутэ (Якутяночка) хал онорбот.

    • Автор
      29 октября 2019 г., 11:36
      DearDear   Пожаловаться

      bounty_hunter, билбэт ырыам эбит. Саха үнкүүтэ диэни иһиттэхпинэ маҥан наскылаах кыргыттары көрөбүн харахпар :)) "Нарыннарын, наскылларын" диэни "маҥаннарын наскылара" диэн ылланар дии саныыр этим оҕо сылдьан :)))

      • 30 октября 2019 г., 11:14
        bounty_hunter   Пожаловаться

        DearDear, "Айаанньыт" диэн. Ол са5ана "Дуораан" белех толорор этэ, Буеккэ Бетуруеп ырыата. "Тохтоо", "Дьол-сор" инин диэннэрин истибэтэ5ин дуо?

        Аххаха, мин маган нарын наскыларын диэн истэр этим)))

        Оттон Анатолий Горохову истээччин суох дуо?)

  • 29 октября 2019 г., 12:34
    Руфь   Пожаловаться

    Анатоль Бурнашеву сөбүлээн истэбин.

    Уруккулартан Дапсы

    Уонна биирдиилээн ырыа Күндэл, Касиор, Invent, Бэйэ дьоно...

  • 29 октября 2019 г., 12:35
    Руфь   Пожаловаться

    Nord Sound Эмиэ сөбүлүүбүн

  • 8 ноября 2019 г., 16:14
    Na4inka   Пожаловаться

    Ыаааыыаааааа!!!!!

    Мне так нравятся якутские песни. Очень много кстати. Могу напеть, но название и исполнителей не знаю. Помоги ка дорогая

    1) кароч, поет игорь наш (секс символ всея якутии) егоров. В клипе, художник в старом городе рисует портрет девушки, красивый такой. *.* но ее парню это не нравится и у них там какой то замес происходит. Как называется песня???

    2) ый кыыьа очень нравится, много песен.

    3) уля сергучева. Кажется песня называлась ый кыыьа. Помню только как в какой то нг на голубом огоньке или на каком то новогоднем концерте, она пела эту песню в голубом развивающемся платье качаясь на высоких качелях В цирке кажется...

    4) джида конечно. Старые песенки.

    5) и старье типа «куубалар, гитара ытаата, хара харах, и эн баар буоланын мин...

    6) была еще одна песня популярна была, когда в институте училась никак напев вспомнить не могу((( но помню, что хорошая.

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь