home
user-header

                        
                        
НВК "Саха" нууччатыйар
HALAN
Pro аккаунт
4 октября 2012 г., 11:37 в Author.Ykt.Ru 2054

Бүгүҥҥү "Кыымҥа" Альберт Капрынов тэлэбиидэнньэ  дириэктэриттэн ылбыт интервьюта тахсыбыт. Сахалыы уонна нууччалыы биэриилэр аны тэҥ кэми ылыахтаахтар үһү.

Ыйытыы: Дьиҥэр, нууччалыы тыллаах сүүһүнэн ханаал баар дии... Оччоҕо тоҕо баар-суох биир ханаалбытыгар сахалыы биэриини элбэппитий?

Хоруйа судургу буолбут - нууччалары бэйэбитигэр тарда сатыыбыт, көрдүннэр диэн...

Ол аата саха киһитэ "син-биир, ханна барыай, көрүө" диэн бириинсиби тутуһабыт дуо? Тоҕо баҕас кыһыытай, доҕоор!

Соторутааҕыта нвк-аалар хас да сиргэ төгүрүк остуоллары тэрийбиттэрэ, онно дьон мэнэрийбэт эрэ этэ ээ:

- Сахалыы биэриилэри элбэтиҥ, биэрии 80% ылыахтаах, - иҥин диэн. Ол ыра таах хааллаҕа...

Хобдох. Тэлэбиидэнньэ үлэһиттэрин сахалыы тыыннаахтарын иһин, саха култууратын, олоҕун-дьаһаҕын чиҥэтэр соруктаах үлэлииллэрин иһин ытыктыыбын. Оттон сорохторун билэттиибин да диэхпин сөп, сүрдээх киэҥ көрүүлээх уонна бэйэлэрин төрүт омуктарыгар бэриниилээх дьон диэн сыана быһабын. Оччоҕо тоҕо итинник буолла?

Федеральнай чунуобунньуктарга хаптаҥнааһын дуу, харчы оботтоох күүһэ дуу?

Санаатахха маннык быһыы төрүөтэ тэлэбиидэнньэ үлэһиттэригэр буолбакка, бэйэбитигэр буолуо ээ...

#Тыллар/Языки

Избранное
  • Аноним
    4 октября 2012 г., 11:46
    Аноним

    Нууччалар син биир НВК-ны интериэьэргээбэттэр. Онно5ор сахалар да наадайбаттар да кере сатаабаттар

  • Аноним
    4 октября 2012 г., 12:03
    Аноним

    мин сахалыы бэрэдээчилэри ордоробун нуучччатаа5ар. бэйэм сахалыы-нууччалыы ой санаалаахпын. НВК олус консервативнай ханаал, кырдьа5астар уонна орто саастаах дьоннор эрэ короллор быьылаах. мин сааьым 36

  • Аноним
    4 октября 2012 г., 15:11
    Аноним

    Нууччалар НВК-ны корбуттэрэ суох! Онноо5ор куорат сахалара корботтор. Сурун корооччулэрэ тыа сирин олохтоохторо,дьэ оччо5о кинилэргэ анаан нуучча передачаларын элбэтэллэр да ол? Ол олох  сыыhа. Тыа дьонугар анаан элбэ5и устан кордорон оччо5о эрэ нац.телевиденийа аатын бо5орготуо эбитэ буолуо.

  • 4 октября 2012 г., 15:16
    psyops   Пожаловаться

    Халан, НВК сахаларга эрэ аналлаах диэн буолбатах, саха сиригэр элбэх омук олорор, кинилэр эмиэ республика сонуннарын, Саха сирин туьунан передачалары коруохтэрин ба5араллар. Ол иьин НВК аудиториятын ханатаары нууччалыы передачалары элбэтэр. 

    • Автор
      4 октября 2012 г., 15:49
      HALAN   Пожаловаться

      Омос көрдөххө кырдьык, сөпкө этэҕин. Ол эрэн бастакытынан тэлэбиидэнньэ үлэһиттэрэ нуучча быраабын туруулаһаары буолбакка, көрөөччүлэрбит ахсааннарын хаҥатаары дьаһанар дьаһалбыт дииллэр.

      Иккиһинэн, "Саха" - национальнай хампаанньа. Киниттэн ураты атын маннык ханаал Арассыыйаҕа да, аан дойдуга да суох. Отой суох. Ончу!

      Кини соруктарыттан биир саамай сүрүннэрэ - саха омугун дьоһунун харайыы, былыргыттан кэнэҕэскигэ омук утумун хааччыйыы, үүнэр ыччаты төрөөбүт тылыгар угуйуу, тыл эйгэтин хаҥатыы. Киниттэн ураты ханнык да тэрилтэ маннык ураты, дьоҥҥо өйдөнүмтүө күүһүнэн туһаммат.

      Оскуолаҕа саха тылын үөрэппэт саха улам элбээн иһэр, кинилэр сахалыы аахпаттар да суруйбаттар да. Ол гынан баран кинилэр сахалыы саҥараллар, саҥаны өйдүүллэр эбээт! Бу дьоҥҥо туһаайыллыахтаах этэ буоллаҕа дии.

      "Саха" НКИХ тэлэбиидэнньэтэ - сахалар, биһиги бары, киэн туттуубут, дьоҥҥо утары уунарбыт.

    • 5 октября 2012 г., 00:28
      Дьураа   Пожаловаться

      Нууччалар НВКааны көрбөттөр.

      Уонна нууччатыйбыт куорат сахалара эмиэ көрбөттөр.

      НВК сахалары нууччатытар сэп.

  • Автор
    4 октября 2012 г., 15:32
    HALAN   Пожаловаться

    Мөккүөр ухханыгар буолан биири умнан кэбиһэбит ээ - Саха тэлэбиидэнньэтэ иһитиннэрэр-көрдөрөр эрэ буолбатах, кини дьон туругун, саха аймаҕы уларытар кыахтаах сүдү күүс.

  • Автор
    4 октября 2012 г., 15:36
    HALAN   Пожаловаться

    Сахалыы биэриилэри тылбаастаан, субтитрдаан биэрэр тоҕо кыаллыбата буолла? Холобур Кытай тэлэбиидэнньэтигэр субтитр наһаа киэҥник туттуллар - тоҕо диэтэххэ саҥараллара дойду оройуоннарыттан көрөн атын-атын, оттон иероглифтарын буоллаҕына үөрэхтээхтэр бары өйдүүллэр.

  • 4 октября 2012 г., 18:52
    MAVERICK   Пожаловаться

    Оо, Ньукулай, ынырык дилемманы таарыйдын :)

  • 4 октября 2012 г., 22:46
    HohoLeo   Пожаловаться

    Тугу айа сатаан - кабельнайга ТНВ ( Татаар телевиденията) көстөр. Кинилэр бэйэлэрин тылларынан тахсаллар, арай сонуннары икки тылынан, эбэтэр туох эмэ анал биэриилэри нуччалыы ыыталлар. Манна даҕатан эттэххэ, нууччалар ортолоругар төһө киһи НВК-ҕа наадыйарын, көрөрүн социологическай опрос ыытыахха наада - оччоҕо дакаастанар буоллаҕа, мээнэ халтай саҥа дуу, эбэтэр дьэ чахчы нууччалар уонна атын омуктар олохтоох телевиденияны көрөллор дуу.  

    • Автор
      5 октября 2012 г., 12:30
      HALAN   Пожаловаться

      соцопрос ыыппыттар эбит, интервьюга ол туһунан баар. ол эрэн ол ыйытык тугу биэрбитэ биллибэт. Сабыылаах.

      Биһиги ол ыйытыкка олоҕурбут анаалыс түмүгүн көрөбүт эрэ.

      Ханнык баҕарар көрдөрүүнү араастаан тойоннуохха сөп буоллаҕа.

      • Автор
        5 октября 2012 г., 12:40
        HALAN   Пожаловаться

        холобур соцопрос маннык түмүктэммит буоллун - оскуола 7-с кылааһын оҕолоро НВК сахалыы биэриилэрин ончу көрбөттөр.

        Тойоннооһуна: сахалыы биэрии суох, аҕыйах - ол аата көрөөччүнү кыайан иитэн таһаарбат эбиппит.

        Иккис тойоннооһуна: сахалыы биэриилэр хаачыстыбалара намыһах, оҕону угуппат.

        Үһүс: обургу оҕолор тэлэбиисэри көрбөттөр, көмпүүтэргэ убаммыттар

        Төрдүс: 7-с кылаастарга саха оҕолоро аҕыйахтар

        5: Саха ыччата нууччатыйбыт

        өссө да элбэх тойоннооһун баар буолуон сөп.

        Оттон түмүгэ (выводы) хайдах буоларый? Эмиэ араас ээ!!!

        1. Сахалыы биэриилэри элбэтиэххэ, оҕону кытта үлэни күүһүрдүөххэ

        2. Сахалыы биэриилэр таһымнарын үрдэтиэххэ, хабар тиэмэлэрин кэҥэтиэххэ, көстөр кэмин уларытыахха

        3. Сахалыы биэриилэри аҕыйатыахха (син биир көрбөттөр), ол оннугар нууччалыыны элбэтиэххэ - оччоҕо баҕар көрөөйөллөр?

  • 5 октября 2012 г., 00:27
    Дьураа   Пожаловаться

    НВК саха канаала буолбатах. Нууччалар уонна омуктар киэннэрэ, кинилэр онно "музыканы закаазтыллар".

    Сыл аайы, Саҥа Дьылларга ити нвкаалар "омуктар биэчэрдэрин" оҥороллор, араас кэлии омуктар ыллан тойуктаан киһиргииллэр. 2,5 чаастах биэрииттэн, сахаларга түөрт-биэс эрэ мүнүүтэни биэрэллэр. Уонна дьэ омуктар бенефистара кэлэр, оһуоба армяннар киэннэрэ. НВКаалар омуктартан харчы ылаллар дуу?

    • Автор
      5 октября 2012 г., 12:26
      HALAN   Пожаловаться

      сыанабылы кытта сөбүлэспэппин, ол эрэн эбии бэлиэтин туруорабын - маннык санаа дьоҥҥо баарын билэбин

  • Аноним
    5 октября 2012 г., 17:54
    Аноним

    сепаратисты

  • Аноним
    5 октября 2012 г., 17:54
    Аноним

    националисты

  • Аноним
    6 октября 2012 г., 00:11
    Аноним

    Нуччалыы канааллар элбэхтэр. Онон НВК-Саха биэриилэрин батын сахалыы ытыа этилэр.

  • 6 октября 2012 г., 09:16
    город   Пожаловаться

    НВК "Саха"-ҕа сахалыы өйдөөх-санаалаах редактордар аҕыйахтар  быһылаах, сахалыы тылынан биэриилэрэ отой хаачыстыба өттүнэн мөлтөх ол иһин сахалар НВК-аны көрбөт буоллулар.

    "Полярнай звезда" конкурсу аҕала аҕала көрдөрөллөр уопсайынан НВК оҕолорго аналлаах канал  буолбут.

    • Автор
      6 октября 2012 г., 19:48
      HALAN   Пожаловаться

      Ити сепаратист уонна омугумсук диэбит киһиэхэ хоруйдаан буолбакка, кини тылларын аахпыт эдэр дьоҥҥо туһаайан этиэм этэ.

      Бэйэтин быраабын (ол иһигэр ийэ тылынан саҥарар уонна өбүгэлэрин утумун кэнэҕэски ыччакка биэриини) күөмчүлэппэт киһи атын омуктары утары барыа дии санаабаппын.

      Оттон атаҕастаммытынан, сэнэммитинэн ааҕынар киһи хаһан эрэ хайаан даҕаны тугунан эрэ хоруйдуохтаах. Ол хоруйа араас көрүҥнээх буолуон сөп. Сорох арыгылыа, умна сатыа, сорох охсуһуо, сорох билбэтэҕэ буола сатыа, ол эрэн баттата сылдьыа (ол тугунан диэлийэн тахсарын ким да билбэт). Сорох сыыр намыһахтыы буруйа суохтар үрдүлэринэн барыа. "Арассыыйаттан сылтаан барыта маннык" да диир киһи баар буолуо буоллаҕа, ханна барыай?

      Онон, ити санааны сайыннардахха, мин санаабар омук дьоһунун түһэрэр, кини көрдөбүллэрин сиргэ-буорга тэпсэр дьон - бу буолаллар дьиҥнээх сепаратиистар, дойдуну ыһа сатааччылар. Кинилэр утары дьайыыны күөртүүллэр.

  • Аноним
    12 октября 2012 г., 23:07
    Аноним

    Халан, до5ор, 2002 сыллаах концепциянан сахалыы бырысыан 38 этэ, 60на нууччалыы. Ону маннай ылан кер. Онтон суергулээ. Хайдах эмискэ 12 чаасы оносуллуой? 24 чаас анара - 12 чаас буолар. Маны нууччалыы сериаллары эрэ тылбаастаан - бысарыахха сеп. Эбэтэр татаардар курдук куну быса музыканы. Аны бириэмэ аттарыыта диэн эмиэ баар. Аны нууччаларын эмиэ нолуок телууллэр, то5о ол дьону то5о атарахсытабыт.

    • Автор
      13 октября 2012 г., 21:51
      HALAN   Пожаловаться

      Аноним доҕор диэбит, арааһа миигин билэр киһи быһыылаах:)

      Онон хайдах хоруйдуурбун билбэккэ олоробун.

      Биир өттүнэн эппитэ оруннаах курдук,

      иккис өттүнэн мөккүэр ухханыгар ону маны саҥарыахпын баҕардым;)

      • Аноним
        24 июля 2013 г., 18:28
        Аноним

        Харыстаана

        • Аноним
          24 июля 2013 г., 18:35
          Аноним

          Тугун кыһыытай да бу!?? Саха Өрөспүүбүлүкэтигэр олоробут эбээт! Элбэх омук баарын ким да утарбат, олор син биир биһиги НВКтыгар наадыйбаттар, сорохтор билбэттэр да5аны! Кэлиилэргэ бэрт буола сатаан ханна да ырааппаккын, сахалыы тылынан саңарар программа дэлэйиэн наада! Хайаатар да!!! Аны тылбыт судаарыстыбаннай статустаах, өрөспүүбүлүкэ бары олохтоохторо биллиннэр ээ сахалыы!

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь