home
user-header

                        
                        
Эдуард Рудых: Тыабыт дьоно интэриниэккэ киирэллэрэ буоллар!
1 октября 2013 г., 09:51 в Author.Ykt.Ru 1401

Бэҕэһээ Арассыыйа интэриниэтин күнэ этэ. Онон бикипиэдьийэҕэ сыһыаннаах буоламмын Саха араадьыйатыгар тахса сырыттым, Эдуард Рудых ыҥырыытынан.

Хаартыскаҕа ыытааччы Валентина Атласовалыын.

Эфиир быыһыгар Һ уонна Ҥ дорҕооннор сүтэн эрэллэрин, интэриниэппит тыа дьонугар тарҕанарын туһунан кэпсэтэн ыллыбыт.

Эдуард бикипиэдьийэҕэ киирэн көрөн баран сатаан суруйбатым диэн билиннэ. Ону мин соторутааҕыта эмиэ НВК суруналыыһа Георгий Белоусов (Харах далыгар) итинник ыарырҕаппытын туһунан кэпсээбитин өйдөөн кэллим.

Дьэ ити, оннооҕор тылларын туһугар ыалдьар, тылы идэ гыммыт сайдыылаах дьоммут кыайан суруйбаттар эбит! Саастаах дьону этэ да барбаккын.

Оттон биһиги буоллаҕына суруйар дьон тоҕо элбээбэт диэн токкоолоһо сатыыбыт. Туохха чопчу ыарарҕаппыттарын ыксалга буолан ыйыппакка хаалбытым.

Арай, баҕар маны ааҕа олорор дьон этээйэҕит, бикипиэдьийэҕэ суруйан көрөн баран тугу сатаабатаххытын?

Атын суруктарым

Избранное
  • 1 октября 2013 г., 09:55
    Karamba   Пожаловаться

    сахалыы буукубалары хайдах суруйа5ын?

    где эти волшебные кнопки?

  • 1 октября 2013 г., 11:12
    Karamba   Пожаловаться

    ҕөһү;

    опачки так просто эбит бытта)

  • 1 октября 2013 г., 11:14
    HohoLeo   Пожаловаться

    Араадьыйаҕа "Һаха, һахалыы" диэн саҥарар бобуллар эбит, ааспыкка сэрэтии биэрэн, көнҥөрбуттэрэ. Ити хантан кэлбит нуорманый, ким билэр?

    • Автор
      1 октября 2013 г., 14:50
      HALAN   Пожаловаться

      Ити судургу - иһитиннэрэр-биллэрэр сириэстибэлэргэ литэрэтииринэй нуорманан саҥарыллыахтаах диэн быраабыла баар. Ону тутуһа сатыыллар. Ол эрэн дииктэр буолбатах, араадьыйаҕа үлэлээбэт киһи син бэйэтэ хайдах саҥарарынан саҥарыан сөбө буолуо...

  • 1 октября 2013 г., 11:57
    Nistro   Пожаловаться

    Ити Сахалыы Википедияны ким а5арый? Нууччалы барата баар дьи. 

    • 1 октября 2013 г., 12:14
      Сур Бере   Пожаловаться

      холобур мин ааҕабын, эбэбин уонна көннөрөбүн :)

    • Автор
      1 октября 2013 г., 14:59
      HALAN   Пожаловаться

      син дьон ааҕар ээ, туһалаата диэбит дьону көрсөөччүбүн (оскуолаҕа үөрэнэр оҕолоохтору иҥин)

      ону ааһан сорохтор суруйаллар ;)

      Дьиктитэ диэн аан дойдуга да оннук, ааҥыл тылын билэр дьон бэйэлэрин тылларынан бикипиэдьийэни өйүүллэр, сайыннараллар

  • 1 октября 2013 г., 12:44
    Тайыл   Пожаловаться

    Сахалыы бикипиэдьийэ баарын саҥа биллим. Регистрацияланан баран, кэпсэтэр сир диэҥҥэ киирэ сырыттым. Боруобалаан суруйан көрдүм, туох да уустуга суох. Барыта өйдөнөр. Бэрт Дьикти 7-ҕа сахалыы шрифт туруорбута хайҕаллаах. Мин дэриэбинэбэр интернет киирбитэ ыраатта. АДСЛ, МТС, БИЛАЙН бааллар. Администрация таһыгар мегафон таксофона баар. Онон 8-ка нөҥүө Саха сиригэр ханна баҕарар дьиэтээҕи телефоннарыгар эрийэн босхо кэпсэтэбит. Тыа дьоно интернеты олохторугар туһаналлар. Суруйбаттара сатаабаттарыттан буолбатах.  Бикипиэдьийэ терминин тылбаастарын сэрэйэн эрэ өйдүүбүн.

    • 1 октября 2013 г., 13:44
      Karamba   Пожаловаться

      хайдах босхо?

      "мегафон таксофона" диэн тугуй ол

      • 1 октября 2013 г., 14:06
        Тайыл   Пожаловаться

        Правительство Мегафон компанияны кытта дуогабардаспыт дииллэр. Саха сирин бары нэһилиэнньэлээх пууннарыгар 8-ка холбоммут таксофоннарын туруорарга. Дьиэтээҕи эрэ телефонҥа эрийэҕин. Кыра учаастактарга кытта . Биһиэхэ уонча ыаллаах сиргэ баар.  Телефон автомат курдук ыйанан турар. Куһаҕана диэн таһырдьа турар буолан кыһын тымныы.

    • Автор
      1 октября 2013 г., 15:04
      HALAN   Пожаловаться

      Дьэ Тайыл, сүрдээҕин диэн үөртүҥ! Барыта табылла турдун.

      Тиэрмин аата тиэрмин, көннөрү тыл буолбатах, тута өйдөммөт буолуон сөп, ону ааһан өйөммөт да буолуон сөп. Сэрэйэн өйдүүр буоллаххына өйүү сатаа.

      Уонна маннык тэрил баар эбит диэн улууһуҥ дьонугар хаһыатынан да, дьон нөҥүө да сырдата тур! Улуус дьонун, айылҕатын, нэһилиэктэрин устуоруйатын иҥин туһунан хас да буолан суруйаргыт буоллар бэрт да буолуо этэ!

      • 1 октября 2013 г., 15:12
        Тайыл   Пожаловаться

        Мин нууччалыы "Банк городов" булан, нэһилиэгим киэнин (даннайдарын) киллэрбитим. Бэрэбиэркэлээн баран укпуттара. Манна да киллэрэр инибин. 

        • Автор
          2 октября 2013 г., 09:25
          HALAN   Пожаловаться

          Нууччалыы биикигэ Саха сирин, саха дьонун туһунан суруйар эмиэ сүрдээх суолталаах ээ. Суруйан имитэн ис.

  • 2 октября 2013 г., 10:58
    Neurosurgeon   Пожаловаться

    Дьэ, маннык эмиэ баар. Аэропорпутугар диктор кыыс манныгы этэр: ".... нүөьэрдээх рейска самолетка олорууга посадка биллэриллэр...", бииэтэр  "... нүөмэрдээх самолет посадкалаата...".  Дьэ, дьаабы үлүгэр! Мин кулгаахпар олус олуонатык иһиллэр ээт!  Аэропорт диэн бу республика уонна кини ыалдьыттарын истэр кулгааҕа эбээт, тоҕо маны ким да көннөнбөтө буолла диэн мунаахсыйабын... 

    • Автор
      2 октября 2013 г., 11:18
      HALAN   Пожаловаться

      Уот харахха эттиҥ!

      Ол эрэн сахалыы саҥара сатыыллара бэрт дии ;)

      Мин санаабар порт дьаһалтатыгар сурук суруйуохха сөп этэ. Эбэтэр хаһыатынан. Маннык ис хоһоонноох: Тыл үөрэхтээхтэриттэн официальнай көрдөбүлүнэн ыйыттыннар ээ, хайдах сөпкө тылбаастанарый уонна сахалыы саҥарылларый диэн.

  • 2 октября 2013 г., 10:59
    Neurosurgeon   Пожаловаться

    дөксө "стойка",  "стойкаҕа" диэн тыл куруук туттуллар эбит.

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь