home
user-header

                        
                        
Сыал уонна сорук уратылаахтар дуо?
HALAN
Pro аккаунт
25 октября 2013 г., 11:06 в Author.Ykt.Ru 1734

Соторутааҕыта Саргылаана Сандаар Далан айар үлэтин ким ырыппытай диэбиттээ х. Онно хоруйдуу таарыйа Хабырыыл Торотуойап устудьуоннарга аналлаах саҥа кинигэтин билиһиннэриэм.

Хабырыыл тиэкис ситимнээх буолуохтааҕын туһунан устудьуоннарга үөрэтэр уонна бэйэтин кинигэлэригэр суруйар.

Ол аата, кини этэринэн, ханнык баҕарар сурук (кинигэ да, уус-уран айымньы да буоллун, билим ыстатыйата эбэтэр пост да буоллун) киириилээх, сүрүн чаастаах уонна түмүктээх буолуохтаах диэн. Оннооҕор абзац иһигэр итинник структуура тутуһуллуохтаах диэн үөрэтэр: абзацка үксүгэр ханнык эрэ микротема баар диир.

Бу, биллэн турар, сабыс-саҥа санаа буолбатах, ол эрэн Торотуойап хаһыстаан да тахсыбыт кинигэтэ сахалыы санааны сааһылыырга туһалаах буолара саарбаҕа суох.

Аны мантыҥ туһалаах сүбэлэрэ элбэх, холобур, суруллубуту эрэдээксийэлииргэ ханнык бэлиэлэри тутталларын туһунан, көмпүүтэргэ сахалыы бичиги туруоруу хаамыытыгар тиийэ баар! Дьупулуом, курсовой, ыстатыйа олохтон ылыллыбыт холобурдара эмиэ бааллар.

Устудьуоннар эрэ буолбакка, диссертааннар, суруналыыстар уонна блогердар сэргээн ааҕыахтарын сөп дии санаатым. Ити бастакы этиим.

Көрөргүт курдук кинигэ дьоҕус кээмэйдээх тахсыбыт, бүлүүһэттэн эрэ бөдөҥ. Ааптар бэйэтэ сиэпкэ укта сылдьан ааҕыахха сөп диир (урукку эҕэрдэлэрдээх, алгыстардаах кинигэтэ эмиэ маннык кээмэйдээх үһү).

Иккиһим - пуоһум аатын быһаарар. Маннык. Мин урут сыал диэни сорук диэнинэн солбуйар идэлээҕим. Онтубун Торотуойап халбаҥнатыах курдук. Кини сорук диэн садаачаны ааттыыр. Оттон сыалы сыал диир ;) Эмиэ да сөп курдук ээ. Садаача диэни соруктан атын ханнык да тылынан солбуйарбыт суох курдук. Оттон сыал уузуска (киэҥ туттууга) хайыы-үйэ киирбит тыл буоллаҕа. "Сыал-сорук" диэн ситим тылбыт да ону туоһулуур.

Үсүһүм - Сандаарга хоруй. Торотуойап икки ыстатыйалаах эбит. Далан айар үлэтигэр сыһыаннаах. Олор ханнык эрэ хомуурунньукка киирэ сылдьалларын хаартыскаҕа түһэрбитим, саҕаланыыларын манна угабын. Көөчүктээн ;)

Бастакы ыстатыйа саҕаланыыта:

Иккис ыстатыйа саҕаланыыта:

Итинник.

Чинчийэр үлэ сүрүн ирдэбиллэрин туһунан кинигэни "Бичик" кинигэ кыһатын маҕаһыыннарыттан булуоххутун сөп.

Атын суруктарым

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь