home
user-header

                        
                        
Киһи кыайбаппын диирэ элбэх эрээри, оҥордоҕуна кыайарын билэр
HALAN
Pro аккаунт
7 декабря 2013 г., 10:41 в Клуб_писателей 1172

Инньэ диэбиттээх эбит бу киһи.

27 сыл хаайыыга сыппыта эрээри элбэҕи оҥорбута.

Иллэрээ күн суох буолбут Соҕуруу Африка чулуу киһитин Мандела хаһан эрэ эппит тылларыттан тылбаастаатым:

Хорсун буолуу диэн куттаммат буолуу буолбатах, хорсун буолуу - куттаныыгын тулуйуу. Хорсун киһи - куттаммат киһи буолбатах, куттанарын хам баттыыр киһи.

Дьону уларытар чэпчэки, бэйэни уларытар ыарахан.

Ыар олох сорох дьону самнарар, сорох дьону киһи гынар.

Биир да киһи атын киһини омугунан дуу, төрүттэринэн дуу, итэҕэлинэн дуу абааһы көрөр буолан төрөөбөт. Дьоҥҥо өһүрэргө кэлин үөрэнэр. Ол эрэн киһи сүрэҕэр таптал ордук чугас ээ, онон, киһи үөрэнэр кыаҕын туһанан, сөбүлүүргэ үөрэтэ сатыахха баара.

Кэми мындырдык туһаныахха уонна куруук өйдүөххэ: сөптөөҕү саҕалыыр хаһан да хойут буолбатах.

Киһи өйдүүр тылынан саҥардаххына кини өйүн кытта кэпсэтэҕин. Оттон төрөөбүт тылынан саҥардахына - сүрэҕин кытта кэпсэтэҕин.

Олоҕу биирдэ да бүдүрүйбэккэ олоруу оччо улахан өҥө буолбатах. Бүдүрүйэн баран көнүү - бу баар дьиҥнээх өҥө.

Бэҕэһээ миигин террорист дииллэр этэ, оттон хайыыттан тахсыбытым кэннэ элбэх киһи, оннооҕор өстөөхтөрүм билинэр буолбуттара. Дойдуларын көҥүлүн туһугар охсуһар дьону террористар диэтэхтэринэ маны куруук санатабын. Маннык этиэм этэ: ким кыайар да ол буруйдуур.

Умнар кыаҕым суох буоллаҕына сыһыаммын уларытыахпын сөп.

Нууччалыытын мантан ыллым

Атын суруктарым

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь