home
user-header

                        
                        
    Саха тылын учууталын кэпсээнэ
    ZOYAIM - 9 мая 2020 г., 16:11

    Туох да омуна суох эттэххэ, төрөөбүт төрүт тылбыт биир саамай улахан тирэнэр тирэҕэ – тыл туһугар ис сүрэхтэриттэн ыалдьар энтузиаст дьон.

    Уруккутун билбит суох, ол эрээри биһиги үөрэнэр кэммитигэр (2005-2010 сс.) саха тыла “престижнэй” дэнэр үөрэх ахсааныгар суоҕа. Үгүс оҕо бүтэрэн баран идэтинэн үлэни булбат этэ. Хамнас даҕаны, биридимиэппит “приоритета” суох аатыран, быыкаа буолара. Холобур, мин үөрэхпин бүтэрэн баран куорат сахалыы тыллаах биир саамай улахан оскуолатыгар дьон көмөтүнэн үлэ булбутум. Ол -- улахан табыллыы этэ. Үөрүү-көтүү, учуутал буолуох баҕа баһаам буоллаҕа. Ол эрээри үөрүүм уһаабатаҕа. Бастакы хамнаспын ылан баран, хомойон өлө сыспытым – 13 тыһ. солк. Онно эбии миигин кытта ол күһүн оскуолаҕа саҥа үөрэхтэрин бүтэрэн үлэлии кэлбит, эмиэ 18 чаастаах, ол эрээри омук тыла уонна физкультура идэлээх, кылаас аҥаарын эрэ үөрэтэр учууталлар, миигиттэн икки төгүл элбэҕи хамнаһы ылалларын билэн баран, букатын куһаҕан буолбутум. Сымнаҕастык эттэххэ, саха тылын учуутала аанньа ахтыллыбат дуу диэн санаа, улахан хомолто үөскээбитэ. Ону кытта дьоммут иитэр-аһатар кыһалҕа күөрэйбитэ, киһилии хамнастаах үлэни көрдүүргэ күһэллибитим. Кыбыстыбытым, итиччэ кэпсэтиннэрэн киирэн баран, баран эрэрбиттэн сааппытым. Ол эрээри кыһалҕа кыһыл талах кымньыылаах. Ити кэннэ саха тылын учууталлара энтузиаст, сүрэх баҕатынан, оҕо эрэ туһугар үлэлиир дьиҥнээх дойдумсах, чахчы, учуутал дэниэх учуутал дьон эбиттэр диэн санаа үөскээбитэ. Бүгүн биһиги эдэр учууталы кытта кини тоҕо саха тылын учууталын идэтин талбытын, үөрэнээччилэр сыһыаннарын, төрөөбүт тыл туругун, о.д.а. туһунан кэпсэтэбит. Ол -- Степан Ноев. Саха гимназиятын Саха тылын, литэрэтиирэтин үрдүк категориялаах учуутала, тэрийээччи-педагог, тьютор.

    Читать далее 1 1 162
    Телефоҥҥа чугаһатан түһэрбит фотоларым
    ZOYAIM - 1 августа 2018 г., 21:16

     

    Читать далее 3 5 421
    Бу сири умнубутум ырааппыт эбит. Санаабычча, суруйуубуттан ыытабын
    ZOYAIM - 31 июля 2018 г., 19:36

     

     

    Зоя ИМ

    ОЛОХ 
    КӨСТҮҮЛЭРЭ

    * * *
    Эстибит эрэллэр,
    Туолбатах ыралар
    Баттыыллар санааны,
    Кыайаллар кыахтары.
    Ол онтон аҕыйах —
    Өргөйөр, өсөһөр,
    Өрөйөр-чөрөйөр.
    Атыттар самналлар,
    Кэлэйэн кэхтэллэр,
    Чаҕыйан, тохтууллар,
    Бохсуллан, охтоллор.

    Читать далее 1 422
    Саҥа үүммүт сылынан!
    ZOYAIM - 13 января 2017 г., 20:00

    Зоя ИМ

    Саҥа дьылым аҕалыаҕа —
    Дьоһун дьолу тосхойуоҕа ,
    Ыраас ыллык тыргыллыаҕа — 
    Тиийиэх сирбэр тириэрдиэҕэ.

    Саҥа суолум аһыллыаҕа —
    Дэхси, кэтит буоллун дуу!
    Ыраах саҕах арыллыаҕа —-
    Ырам арай туоллар дуу!

    Кэлэр сылы кэтэһэбин,
    Тоҕо эрэ долгуйабын,
    Үөрүү-көтүү көтөллөнөн
    Үүммүт сылга сырыттарбын!

    2016 с. ахсынньы. Дьокуускай к.

    Читать далее 1 254
    Кыһыҥҥы тымныыны сылытар сайыҥҥы көстүүлэр. 2 бастакы фотоҕа -- Күөх Ньурба айылҕата, 3-cкэ, 4 -скэ --Сунтаар киэнэ
    ZOYAIM - 13 января 2017 г., 18:23 в САХА ЭЙГЭТЭ

     

    Читать далее 4 15 901
Обратная связь