home
user-header
Обновили стелу «Хатас»
ebizeene 1 августа 2021 г., 16:41 5129

Хатас сонуннара

Театр вешалкаттан саҕаланар дииллэринии дэриэбинэни киирии аартыгыттан сыаналыыллар. Инньэ гынан ити боппуруоска улахан болҕомто ууруллар.

Бу күннэргэ Хатаска кэлээччи - барааччы эр дьон түмсүүтүн, сомоҕолоһуутун илэ чахчы харахтарынан көрдүлэр, сүргэлэрэ көтөҕүлүннэ. Ол курдук Хатаска киириҥ, кэлиҥ ыалдьыттааҥ, биир өттүгэр дьоллоохтук айаннааҥ диэн суругу чөлүгэр түһэрдилэр, сэргэхситтилэр. Манна үлэлээбит уолаттарбыт олох оркестр муусукааннарын курдук хас биирдиилэрэ тугу гыныахтаахтарын, ким туохха эппиэттиирин чопчу билэр буоланнар биир күнүнэн бу дьэндэтэн, дьэргэтэн таһаардылар.

Бары да эт-хаан өттүнэн кыаллар, өй-санаа өттүнэн хотоойу, хорсун,үлэ-хамнас өттүнэн хорутуулаах буоланнар биир күн иһигэр кыалынна. Бу *''Хатас хамсааһына''* диэн саҥа тэриллибит түмсүүгэ Хатаспыт сайдар - үүнэр аартыга арылыччы аһыллан олох араас хайысхатыгар маннык сүүрээннэри киллэрэр баҕалаах, түмсүүлээх - сомоҕолоһуулаах буоллахха кыаллар боппуруос элбэҕин билэр - көрөр дьон түмсүүтэ буолар. Ону кинилэр маҥнайгы *хамсааһыннара* ырылыччы көрдөрдө.

Аныгыскы суруйуубар бу кимнээҕин, сыплларын- соруктарын сиһилии суруйуом. Күндү биир дойдулааҕым аах, салгыы кэпсээ, сэһэргээ,киэн тутун *Хатас хамсааһына* дьыалатын саҕалаата.

Руфова Наталья Ивановна. Хатас.

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь