home
user-header
Кли-Кра сокуонун проегар
ivanshamaev 25 ноября 2021 г., 09:55 46

*Кли-Кра сокуонун проегар*

Ил Түмэн бу проекка бэйэтин поправкаларын ылынна диэн буолбута.Онон сэтинньи 23 күнүгэр, а.э. иллэрээ күн, Ил Түмэҥҥэ ыҥырбыттарыгар соһуйбутум. Мин өйдөөбүппүнэн комитет поправка таблицатын бэлэмнээн баран бүтэһик дьүүллэһиигэ ыҥырбыт эбит.Ол аата поправка ылылынна диэн сыыһа эппиттэр эбит.

Тута этэбин: Ил Түмэн алтыс ыҥырыыта урукку депутаттары, общественноһы актыыбынайдык кытыннарара хайҕаллаах суол.Ити П.В.Гоголев "парламент аһаҕас буолуохтаах" диэн принцибин салҕаныыта.Миэхэ мунньах туһунан У.А.Винокурова эппитэ уонна комитекка этэн ыҥыттарбыта.Бука сорох сорохтору эмиэ кини ыыталаабыт быһыылаах дии санаатым.Эдьиийбит барахсан үтүө да киһи буоллаҕа!Омук аайы маннык киһи баар буолбатах. Бэйэтэ ити кэмҥэ Архангельскайга сылдьар буолан комитекка ыраахтан кыттыбыта.

Түҥэппит докумуоннарыгар көстөрүнэн биһиги хас да этиибит поправкаҕа баар этэ.

Маҥнай тылы Макар Макарович ылбыта уонна комитет таблица оҥороругар кэнгириэс, общественнай палата этиилэрин төһө учуоттаата диэн буквально отчуоттатта.Ону Ил Түмэн отдела бэрт чуолкайдык отчуоттаата.

Онтон Егор Жирков эттэ.Егор Петрович бэрт кимиилээхтик, күүскэ эттэ.Өр кэмҥэ депутаттаабыт, салалта үрдүкү эшелоныгар үлэлээбит уопута таайар эбит.Кини этиитин идеята диэн бу барыта бириэмэлэрэ ааһар быстах сокуоннар буолалларын өйдүөххэ, көннөрүүлэри киллэрэртэн куттанымыахха диэн.Ити мин өйдөөбүппүнэн.Кини ордук договорнай сыһыаннарга эттэ.

Мин кэнгириэс этиилэриттэн киирбэтэхтэри ылыналларыгар кичэйэн этэ сатаатым.Ол:

-Прокурор сокуон бырайыагын киллэрэр быраабын утарыы;

- мировой судьуйалар субьект сокуонун тутуһуохтаахтарын ирдээһин;

- (саамай кылаабынай) субьект миниистирдэрин анааһыҥҥа федеральнай былаас орооһуутун утарыы.

Биһиги этиилэрбитин истэн кээстилэр. Регламент быһыытынан куоластааһыҥҥа туруорбаттар.Бэйэлэрин таблицаларын "за основу ылабыт" диэн куолаастаатылар, биһиги этиилэрбитин үөрэтиэх буоллулар.

Ульяна Алексеевна интернетинэн эппитэ.Депутаттар бэйэлэрэ соччо тугу да саҥарбатылар.Макар Макарович обоснованиеҕыт мөлтөх диэтэ. Ону Прокопьев ылыммыта.Онон обоснование суруйуутугар Егор Петрович көмөлөһүөх буолбута.Кини тылыгар турбута, улахан, киэҥ обоснование ыыппыт этэ.

Уйбаан Самаайап.

Сэтинньи 25 күнэ, 2021 с.

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь