home
user-header
Күндү доҕорум Трофим Иустимович! Здровойсте!
ivanshamaev 3 декабря 2021 г., 13:23 144

Күндү доҕорум Трофим Иустимович!

Здровойсте!

Мин доруобуйам оччото суох, больницаҕа киирэн 10-ча хонон тахсыбытым да, сотору төннүүһүбүн диэн олоробун. Оһуоба нохтолооҕум болугурур, соһуйабын, кыраттан уҥуом (уҥуоҕум – И.Ш.) хамныыр.

Мин эйиэхэ маннык наадыйан тиийдим:

1.Намҥа бастаан кэлэн өрүс үрдүгэр кыра алааска балаҕан туттан олорбут Хомустаах Күөл айаанын үөһэ “Чуппуус”. Ити нууччатын аата баар буолаарай уонна Чохуруос аҕата дииллэрэ хайдаҕый? “Кыадаҥда” күөлгэ олохсуйбут нуучча Томскай Ильяны кытта бииргэ кэлбитэ буолуо дуо?

2.Бу Куорамакыга баар Өлбүттэр Куораттара тоҕо “Ярдан” ааттаммытын билбитиҥ буолаарай?

3.Дүллүкүгэ Сыалыйа диэн Салбаныкы-Чонох диэн иитийэх уоллаах, Якутскайга нууччалар кэлэн олохсуйан ясак түһэрэн ылалларыттан дьаадьыйан кэлбит диэн баар, ол кэлэригэр Тиэркэн-Чоргул бохоорбут кырдьаҕас кэпсиирэ үһү Өргүөккэ Күрэнчэ Боотур диэн баар диирэ үһү дииллэр. Ити туһунан эйиэҕэ хайдах биллэрий?

4. Карадчиттар төрүттэрэ Быыгыр диэҥҥэ диэри биллэр. Ол Хаҥалас Сата эмээхсин ыччатын сөһүөҕүттэн биир сөһүөх итэҕэс тахсар.

Быыгыр Күҥкү уола буолуо дуо? Эбэтэр ити Кудуга Халбаакы диэн киһи олоро сылдьыбыт буоллаҕына ол уола буолуо дуо? Ол эбэтэр Дьөнтөктөр олохторугар биир күөл аата хампа диэн баар. Итинник атын сиргэ үксэ киһи аата буолар. Кытайдарга Хампа диэн күөх солко үһү. Ити Быыгыр аҕата көстөрө наада этэ, эн көмө этиэх буолаайаҕын?

Суруй, суругуҥ дьиэбэр кэллэҕинэ миэхэ тиийэр.

Манан бүттүм, бары үчүгэйи, уһун олоҕу баҕара хааллым эн тов. (илии баттааһына)

23.07.71 с.

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь